Mugazgaindiko lankidetzaren nahia oso goraki aipatzen dute, azken 25 urteotan, lurraldeko eragileek, Iparraldeko (egungo Euskal Hirigune Elkargoaren eremua) eta Hegoaldeko (Euskadi eta Nafarroa) Euskal Herria garatzeko. Euskal zazpi probintzia historikoek 3 milioi biztanle baino gehiagoko euroeskualdea osatzen dute, hiri jarraitu baten gisakoa osatzen dutelarik Donostiatik Baionarainoko guztian, eta Europan dauden trafiko bide nagusietako bat da ere (pertsonak eta salgaiak).

Biztanleen, eragile sozioekonomikoen, kirol eta kultura eragileen arteko trukaketak betidanik izan badira eta garatzen ari badira ere, lankidetza egituratuagoak, erakundeen artekoak, arras gibelean dira: lan eta ikasketa mugikortasun oso eskasa, Eurohiria oraindik ere proiektu egoeran…

Akitania Berri, Euskadi eta Nafarroaren arteko euroeskualde erakunde baten eta Euskal Hirigune Elkargoaren sortzeak  aukera politiko berriak eskaintzen ditu.

IEHGKa Euskal Hirigune Elkagoarekin engaiatu zen 2019an mugazgaindiko lankidetzarako eskema baten prestaketan laguntzeko. IEHGKren ustez, bada galgak kentzeko garaia, eragile guztiak mugiarazteko garaia, lankidetzatik «mugazgaindiko lurralde proiektu» batera pasatzeko.