30 urte baino gehiago du Garapen Kontseiluak, lurraldeko hausnarketa kolektibo eta politika publikoetan parte hartzen duela, jendarte zibilaren mobilizazio eta parte-hartzearekin. Lurraldearen garapena eta antolaketa hunkitzen dituzten gai nagusiak lantzen ditu. Iparralde 2010 eta Iparralde 2020 geroari buruzko lanak eraman ondotik, 1994an sortu elkarteko 400 kideak, 2040 urteari begira jartzen dira.

2017 arte, Garapen Kontseilua, jendarte zibila antolatuaren elkargunea zen (ganbara kontsularioak, sindikatak, elkarteak…). Administrazio publikoen (Estatua, Eskualdea, Departamendua…) eta hautetsien ordezkaritza ere bazen. Beste elkarte baten ondoan aitzinatzen zen orduan, Hautetsien Kontseilua: honetan aurkitzen ziren erabakitzaile politiko nagusiak (auzapezak, Herriarteko Lankidetzarako Erakunde Publikoetako lehendakariak, Eskualdeko eta Departamenduko kontseilariak, parlamentarioak). 2018tik aitzina eta Euskal Hirigune Elkargoaren (EHE) sortzearekin, Garapen Kontseiluak, beti ere jendarte zibila antolatuaren ordezkariak biltzen ditu zeini gehitzen zaizkien Iparraldeko herritar zonbaitzu (400 kideen herena). 

Elkargoaren eta Akitania-Berria Eskualdearen sustenguarekin, 2024 hastapenetik, Garapen Kontseiluak, lurraldearen gero desiragarri baten ikuspegi kolektibo baten eraikuntzan lan egiten du, herritarren parte-hartzea sustatuz. 

Garapen Kontseiluko kideen nahia argia da: 

«Gogoeta kolektiboan parte-hartzeko, eta 2040ko nahi dugun Iparraldearen amesteko aukera eskaini herritar bakoitzari»

Trantsizio garaikideen erronkaren parean, eragileek – politikoak, instituzionalak edo elkarte mundukoak – geroa galdezkatzen dute: berena eta lurraldearena. 

Komunikazio eremuak, eztabaida eta trukaketa guneak proposatzea behar-beharrezkoa agertzen da, bizipen eta jakintzak partekatzeko, ideia ezberdinak solasean jartzeko eta berriak azaleratzeko. Gero amankomuna elgarrekin jorratzeko beharra sendi da.

Argazkilaria: Matiu Bordato

🟣 Geroari buruzko gogoeta herritar eta parte-hartzaile berezia

Gogoeta hori berezia da herritarren elkarte batek eramaiten duelako, eta ez instituzio edo enpresa batek. Horrez gain, lurralde oso baten eskalan eta zeharkako begirada batekin – izan jorratu gai edo arlo anitzei esker – eramaiten da. 

Berezia da ere bai erakunde instituzionalak zein pribatuak elikatuko dituelako bere gogoeta, problematika eta erronkekin. Hauek, ekintza, politika publiko eta plan estrategikoen bidez gauzatuko dituzte. 

Azkenik, lan honen xedea da ahal bezainbat eragile antolatuen inplikatzea baita herritarrak ere bai, publiko zabalarengana hurbilduz.

🔶 IPARRALDE 2040 urratska

2024ko ekaina arte, hogei bat nahiantek osatu lantalde batek, diagnostiko kolektibo eta parte-hartzailea antolatu eta pentsatu du.

Maiatza bukaeran Bidartera eta ekaina hastapenean Donapaulera gomit ziren elkarteko kideak, lurraldearen ezagutza eta ulertzeko elementuen partekatzera, erronka nagusiak identifikatzera eta geroari buruzko beren beldur eta esperantzak jorratzera ikuspegi sentsible batekin. 

Tailer horientzat, gogoetarako zeharkako sargune desberdinak proposatu dira: lurralde burujabe eta solidarioa, elikaduraren erronka, demokrazia eta auzoekiko harremana, kultura eta gazteriaren lotura etabar. 

Argazkilaria: Matiu Bordato

Bigarren fasea, 2024ko udan hasi da. Publiko zabalaren parte-hartzean oinarritzen da. Dispositibo parte-hartzaile anitz plantan ezarriak dira, eztabaida eta gogoetaren espazioak biderkatzeko gisan. 2025eko ekaina arte, lurraldean zehar ekintza anitz antolatuko dira, herritarrengana hurbiltzeko xedearekin. 

Garapen Kontseilua jendarte zibilarengana doa:

– solasguneak antolatuz, publiko jakin batzuekin, erakundeekin josi partaidetzei edo kideei esker.

– auzo edo herri batzuetan instalatuz, “pasatzen” diren baita herritarren hitzaren biltzeko. 

🟦 Eta gero zer?

2025eko ekainetik aitzina, bildutako materialari gibeltasun bat emanen zaio, forman jarri eta, bilduma bat osatuz, lurraldeari itzultzeko.

–ek sustengatu proiektua da IPARRALDE 2040.