2020an, pil-pilean den gaia zaigu emakumeek gizartean duten lekua: nazioartean gertatu diren eskandaluen harira, badirudi emazteen ahotsak entzungarri bilakatu direla. Hala eta guztiz ere, emakumeek jasaten dituzten desberdinkeriak eta indarkeriak hor dira beti egunez egun.
«Uhin feminista» berri bat ari da altxatzen. Euskal Herrian, beste nonbait bezalaxe, neurtzen ari gara lansarietan diren aldeak, buruko kargaren zama, politikan duten leku eskasa… hau da, emazteek leku eta adierazpen publikoetan leku bat «har» dezaten edo «utz» diezaioten dituzten traba handiak.
Gizon eta emakumeen arteko bereizkerien aurka eta berdintasunaren alde ari diren hainbat elkartek IEHGKrengana jo zuten 2018an, hau da, kontseilua berritu zen garaian.
IEHGKak gizon eta emakumeen arteko berdintasunerako batzorde bat eman du plantan, bizitza publikoan egin daitezkeen hobekuntzak zehaztu eta elkarteei laguntza emateko.
Batzordeak jende orori egin zien dei, 2020ko urtarrilaren 26an, «Emazteok, gure aldia da!» forora bil zitezen, hautetsiei parekotasunaren erronkaz ohartarazteko bereziki, udal hauteskundeak laster izatekoak baitziren. Parekotasunaren aldeko agiri bat bozkatu zen orduan, egiazko berdintasunaren alde areago engaiatzera gonbidatuz. Martxoaren 7an, Familia Plangintzarekin elkarlanean, emakumeek hirian duten lekuaz eztabaidatu zen Baionako gaztetxean Yves Raibaud unibertsitariarekin.
Zertan gara egun?
Euskal Hirigune Elkargoa tokiko bizitzan gizon eta emakumeen artean berdintasuna izatearen aldeko europar gutunaren sinatzailea da eta 2019ko ekainean ekintza plan bat onartu zuen. IEHGKa plan horren jarraipena egiteaz arduratzen den batzordearen kide da. Bere batzordearen lanekin ere badirau, beste ekintza eta eztabaidarako bideak ireki nahiz.
Ondoko hilabeteetan, zuen bizi eremutik hurbil, Garapen kontseiluko kideekin elkartzea proposatzen dizuegu, kafetxo edo trago baten inguruan. Hurrengo hitzorduak Xiberuko eta Hego Lapurdiko biztanleentzat izanen dira, 18:00etatik 19:00etara “afterwork”...
“Iparralde 2040”-ren baitan, Garapen kontseiluak prospektiba proiektu honen lehen fasean parte hartzera gomitatzen zaituzte: IEHGKko kideen artean diagnostiko partekatu bat eraikitzeko. Horretarako, bi egun eta leku ezberdin proposatzen dizkizuegu, aukera...
Joan den azarotik hunat, 7 tailer parte hartzaile egin dira mugaldean: Urepelen, Orbaizetan, Izaban, Beran, Saran, Hendaian eta Amaiur-en. Orotara 120 bat parte hartzaile izan dira eta hainbat mugaldeko bizi...
Atseginez jakinarazten dizuegu Garapen Kontseiluan lan talde ezberdinak irekiko direla, apirilaren hondarretik goiti. Bertan parte hartzera gonbidatuak zarete denak! Gaiari buruzko interesa eta agendaren ahaltasuna kontuan hartuta. Hala, bi...
23.KORRIKA : Baionarat iristen da haurten! Garapen Kontseiluak Korrikan parte hartuko du 2764 kilometroan : hitzordua 11:00tan, Resplandy kaian hesi berdea hasi eta 50 m! Ibilbidearen xehetasunak hemen Baionara...
