Ipar Euskal Herriko Garapen Kontseilua

Mendialdea

GOBERNANTZA PARTEKATUA ERAIKITZEN

IEHGKren soa eta proposamenak

EIpar Euskal Herrian, mendialdea oso aberatsa da jardunetan eta natura ondarean, laborantza-abeltzantza oso bizia dugularik, bai eta oldar betean datozen aisialdi jardunekin ere. Aspaldi handiko tradizioak ditu jardunetan eta kudeaketan (lur zatitugabeak, ibarretako sindikatu batzordeak…), mendialdea aldi berean da bizitua, bizia eta ahula.

Badira 15 urte tokiko eragileak oreka atxikitzeko ahaleginetan hasi zirela: IEHGKak 2003an eman iritzi baten ondoren mendialderako garapen iraunkorreko gutuna idatzi zen eta horrek mendialderako bi Leader europar programa ekarri zituen, Hautetsien Kontseiluaren gidaritzapean hasiera batean eta 2017tik goiti EHEren gidaritzapean.

Programa hori kudeatzeko ardura duten hautetsiek mendialdearen etorkizuneko gobernantza egituratu nahi ukan dute eta eskualde mailako naturagunea sortzeko hipotesia hautatu dute (EN-PNR).

Proiektu horrek Eskualde Kontseiluaren eta eskualdeko prefekturaren onespena jaso zituen 2019an.

Zertan gara egun?

Leader Mendialdea programaren programatze batzordekide da IEHGKa eta eskualde mailako naturagunearen proiekturako lan taldeetan da; horretarako lanak 2021ean areagotuko dira. Naturagune horren aitzinirudia prestatzeko sindikatua sortu baino lehen, Euskal Elkargoak mendialdeko politika publikoa zehaztu nahi du 2020-2026 aldirako eta horretan IEHGKak bere ekarpena eginen du.

Nos actualités sur cette thématique

No post found

Faîtes votre recherche puis appuyez sur "entrée"