Badira 20 urte Ipar Euskal Herria ekonomiaren azkartze handia bizitzen ari dela (enpresak eta enpleguak sortzea), eta horrek eskualde eta nazio mailan diren joeren gainetik kokatzen gaitu. Demografiaren emendatzeak eraikuntzan eta merkataritzan eragin du eta euskal ekonomiak, alor horietaz haratago, ekoizpen sistema atxikitzen jakin du, tokiko enpresa txiki eta ertainek eta industria txiki eta ertainek egin lanei esker, laborantzaren eta hazkurri industriaren dinamikari esker… Seinale positibo horien gibelean badira ahuldadeak ere. Lur funtsen eta bizitegien krisiak eragin handia du enpresaburuengan,langileengan, laborantza eta eskulangintza jardunetan… lanpostu eskaintza eta eskaria ez datoz bat eta egiturazko desoreka hori hala lanbide motetan nola kalifikazioari dagokionean gertatzen da. Giza baliabideak garrantzi handiko erronka dira lurraldeko lanpostuen bi herenak 50 langile baino gutxiagoko enpresatan baitira.
«Euskal Herria 2020» proiektua bultzatzen partaide izan zen IEHGK, eta proiektu horrek aldaketa garrantzitsua ekarri zuen 2006. urtean, ekonomia ekoizleari lehentasuna emanez: kalitatezko laborantza adarrak sostengatzea, klusterren sorrera bultzatzea, enpresa oso txikietan berrikuntza sustatzea… IEHGKak «lurralde markako» proiektu bat itxuratu du (Ikus. Esperimentazioak). Gizarte partzuerrek aldaketa sozio-ekonomikoei buruzko gogoeta bat ekarri diote IEHGKri (ikus. 2014ko Iritzia) eta lanpostuen eta gaitasunen aitzinetiko kudeaketari buruzko lanak egin dituzte. Laneko bizi kalitateari eta osasunari buruzko ekintza piloto bat egin zen 10 enpresatan, 2016/2017an (ikus. Esperimentazioa).
Zertan gara egun?
EHEk Euskal Hirigune Elkargoaren Ekononomia Garapenerako Eskema bat onartu zuen 2019ko otsailean. Ekonomia ekoizlearen sostengu handiaren bidetik darrai eskema horrek (industria, eskulangintza, laborantza) eta maila bikaineko adarrak ere sostengatzen ditu (aeronautika, laborantza/hazkurri industria, digitala, osasuna, etab.). 2020-2026 Turismo eskema baten proiektuari ere eman zitzaion hasiera 2019. urtearen hondarrean. IEHGKa datozen hilotan eginen den gogoetara loturik da. IEHGKa berriz ere arituko da lanean lurraldeko erronka sozio-ekonomikoen gainean, garapen ereduaren gainean eta lurralde estrategietan lanpostuak/gaitasunak aldea kontuan hartzeari buruz.
Udaberri amaierako gorabeheren ostean, Garapen kontseiluko kideak Luhuson bildu ziren, ekainaren 15ean, larunbatarekin, Biltzar nagusi orokorrarendako! Bertan aukera izan zen 2023ko txosten morala eta finantza txostena aurkezteko eta bozkatzeko, baita...
Mugaz-gaindiko uda ikastaroetara Gomita 2023ko azaroa eta 2024ko apirilaren artean, 7 tailer parte-hartzaile egin ditugu mugaldeetan. Ondoko hitzordua heldu den uztailaren 16an emaiten dizuegu Mugaz-gaindiko Uda ikastaroen karietara Baionan. MUGALUR...
artzabale eta Maulen kideekin elkartu ondoren, Azkainen izanen gira, zuen bizi eremutik hurbil, Garapen kontseiluko kideen artean, kafetxo edo trago baten inguruan eztabaidatzeko. Datorren hitzordua Hego lapurdiko lurralde eremuan bizi edo...
“Iparralde 2040”-ren baitan, Garapen kontseiluak prospektiba proiektu honen lehen fasean parte hartzera gomitatzen zaituzte: IEHGKko kideen artean diagnostiko partekatu bat eraikitzeko. Horretarako, bi egun eta leku ezberdin proposatzen dizkizuegu, aukera...
Joan den azarotik hunat, 7 tailer parte hartzaile egin dira mugaldean: Urepelen, Orbaizetan, Izaban, Beran, Saran, Hendaian eta Amaiur-en. Orotara 120 bat parte hartzaile izan dira eta hainbat mugaldeko bizi...
