Goi irakaskuntzaren eta ikerketaren garapena berrixko da Ipar Euskal Herriaren historian, unibertsitatea Pauen garatu baita. Ikasleen kopurua bikoiztu egin zaigu azken 20 urteotan, Paueko eta Aturri herrialdeetako Unibertsitateak (UPPA), Industria Teknologia Aitzinatuen Goi Eskolak (IMGaren Estia) eta beste formakuntza edota ikerketa eragileek egin ahaleginei esker eta BABko hiriguneak egin inbestimenduei esker (Errobiko campusa, Montaury…). Bestalde, lanbide formakuntzako eskaintza Lanerako Gaitasun Agiriaren (LGA-CAP) mailatik Goi mailako Teknikari Brebetaren (GTB-BTS) mailaraino egituratu da. Ahalegin horiek guztiak eginagatik ere, goi mailako irakaskuntza eskaintza apal-apala dugu Ipar Euskal Herrian: Akitania Berriko 2. hirigunea izanik ere, lurraldeak 20 ikasle besterik ez ditu 1000 biztanleka (Pauen 63, Arroxelan 100, Poitiers-en 210…). Eskaintza eskas horregatik dugu, neurri batean, goi irakaskuntzara doazen hain batxiler gutxi.
Halarik ere, IEHGKak bere lanetan azaltzen duen bezala, Ipar Euskal Herriak kokaleku sendoa beharko luke euroeskualdean eta aliantza berrien bitartez bestelako eredua asmatu. Lurralde proiekturako egiten duen ekarpenean, IEHGKak «hormetatik kanpoko campus» baten ideia eman du.
Zertan gara egun?
Euskal Hirigune Elkargoak (EHE) berretsi du lehengo Euskal Kostalde- Aturri Hiriguneak prestatu zuen Unibertsitate Garapenerako Eskema. IEHGKa eskema horren jarraipenaz arduratzen den unibertsitate biltzarreko kide da. Ikasle bizitzari buruzko gogoeta gidatzeko ardura du eta, oro har, Euskal Campusaren etorkizunaren alde lagundu nahi du.
Mugalur proiektua joan den 2023ko irailean hasi ginuen urte batentzat, Nafarroako Cederna-Garalur eta Euskal Herriko Unibertsitatearekin partaidetzan. NAEN euroeskualdearen diru-laguntza jaso ginuen eta 2023ko azaroa eta 2024ko apirilaren artean, 7...
